Ден 1 – Официјално онлајн отворање на 14 Школа за млади лидери

Онлајн делот на 14. Школа за млади лидери на претседателот Иванов започна на 7 октомври 2023 година. Темата на Школата годинава е „Образование – трансформација – лидерство“.
Школата за млади лидери на претседателот Иванов се одржува во периодот 7-19 октомври 2023 година и е организирана од Кабинетот на поранешниот претседател Иванов во партнерство со Меѓународниот центар Алијанса на цивилизации и Алумни асоцијацијата „Иванов школа за лидери“ – ИСЛАА. Во првите четири дена предавањата се одржуваат онлајн на платформата Зум, а учесниците ќе имаат можност да ги слушаат останатите предавања во живо во Охрид.

По официјалниот почеток на програмата од страна на Модераторот, д-р Даниел Ѓоќески, и презентацијата на учесниците и краток вовед во програмата, пред Школата за млади лидери се обрати поранешниот претседател Ѓорге Иванов, кој ги поздрави присутните и им посака добредојде на Школата. Претседателот Иванов се осврна на темата на Школата „Образование – трансформација – лидерство“, и колку е важно младиот човек да биде едуциран и образован бидејќи вистинските лидери ќе имаат клучна улога во решавањето на проблемите кои потекнуваат од глобалните теми. Неопходни се нови идеи и визии за светот, а тоа останува задача на младиот човек. Преку оваа Школа младите ќе се стекнат со знаења и вештини како да се трансформираат за да се прилагодат на новиот свет, на предизвиците кои постојат на планетарно ниво. На младите генерации им треба нов оптимизам кој ќе им овозможи да ги користат новите технологии и сите придобивки од новото време за полесно да се соочат со сите животни предизвици. Потребно е да се врати надежта кај младите дека промените ќе се случат на подобро, но само доколку младиот се сврти кон себе и кон своите најблиски, да размислува позитивно, но да задржи критичко мислење бидејќи тоа е клучот за одржување на квалитетот на животот. и безбедноста.

По обраќањето на претседателот Иванов, пред присутните се обрати и г. Златко Лагумџија, поранешен премиер на Босна и Херцеговина и актуелен амбасадор на Босна и Херцеговина во Обединетите нации, кој даде свој осврт на предизвиците на современиот свет, здравствени и безбедносни проблеми со соочувањето со човештвото, како и дигиталната трансформација што му се случува на светот.

14-та Школа за млади лидери на претседателот Иванов во континуитет ја потврдува својата заложба за создавање нови генерации млади лидери во областите од кои доаѓаат, притоа овозможувајќи им, преку предавањата што ќе ги слушаат и контактите што ќе ги создадат, дополнително да се развиваат и лични и професионални.
Изразуваме благодарност до нашите спонзори и поддржувачи кои ни помогнаа да ја реализираме оваа Школа по 14-ти пат, Хотел Инекс Олгица Охрид, ТАВ Македонија, Туркиш Ерлајнс, Делфино, ХалкБанк, Витаминка, Алкалоид, Петрол Оил, А1 Македонија, Скопска Пивара, ДМС, Comfy Angel, Motiva, а особено сме благодарни што оваа година наш поддржувач е Канцеларијата на ТИКА – Агенција за соработка и координација на Турција во Скопје.

Линк до објавата на ФБ

Линк до објавата на Инстаграм

---

Други објави